အမျိုးသားလွှတ်တော်၊ အစိုးရ၏အာမခံချက်များ၊ ကတိများနှင့် တာဝန်ခံချက်များ စိစစ်ရေးကော်မတီ၏ လုပ်ငန်းညှိနှိုင်းအစည်းအဝေးကျင်းပ

နေပြည်တော်၊ ဇူလိုင် ၃၀

အမျိုးသားလွှတ်တော်၊ အစိုးရ၏ အာမခံချက်များ၊ ကတိများနှင့် တာဝန်ခံချက်များစိစစ်ရေးကော်မတီ၏ လုပ်ငန်းညှိနှိုင်းအစည်းအဝေးကို (၃၀-၇-၂၀၂၆) ရက်နေ့ (၁၂:၃၅) နာရီတွင် နေပြည်တော်ရှိ အမျိုးသားလွှတ်တော် ရေးရာဆောင်အမှတ် (I-20) အစည်းအဝေးခန်းမ၌ ကျင်းပခဲ့ပါသည်။

ဦးစွာ ကော်မတီဥက္ကဋ္ဌက အမှာစကားပြောကြားပြီး ကော်မတီရုံးအဖွဲ့က ပထမပုံမှန်အစည်းအဝေးမှ ဒုတိယပုံမှန်အစည်းအဝေးအထိ ကော်မတီ၏ လုပ်ငန်းဆောင်ရွက်ချက်များနှင့် ပတ်သတ်၍ ရှင်းလင်းတင်ပြပါသည်။ ယင်းနောက် ကော်မတီဝင်များက တတိယအကြိမ် အမျိုးသားလွှတ်တော် ဒုတိယပုံမှန်အစည်းအဝေးတွင် တင်သွင်းမေးမြန်းခဲ့သည့် ကြယ်ပွင့်ပြမေးခွန်းများ၊ ကြယ်ပွင့်မပြမေးခွန်းများ၊ အဆိုများနှင့်စပ်လျဉ်း၍ ကော်မတီက ဖွဲ့စည်းပေးထားသည့် သက်ဆိုင်ရာအဖွဲ့များက ကတိဖြစ်/မဖြစ် ဆွေးနွေးတင်ပြပြီး ကော်မတီ၏ အတည်ပြုမှတ်တမ်းတင်ခြင်း လုပ်ငန်းများဆောင်ရွက်ခဲ့ပါသည်။

ထို့နောက် ကော်မတီဥက္ကဋ္ဌက ဆွေးနွေးမှုများအပေါ် ပေါင်းစပ်ညှိနှိုင်းပေးပြီး  နိဂုံးချုပ်စကားပြောကြားကာ အစည်းအဝေးကို (၁၄:၁၀) နာရီတွင် ရုပ်သိမ်းခဲ့ပါသည်။

အဆိုပါ အစည်းအဝေးသို့ ကော်မတီဥက္ကဋ္ဌ ဦးလှသိန်း၊ ကော်မတီဝင်များနှင့် ကော်မတီရုံးမှ တာဝန်ရှိသူဝန်ထမ်းများ တက်ရောက်ခဲ့ကြပါသည်။