အမျိုးသားလွှတ်တော်၊ နိုင်ငံတကာဆက်ဆံရေး၊ လွှတ်တော်ချင်းချစ်ကြည်ရေးနှင့် ပူးပေါင်းဆောင်ရွက်ရေးကော်မတီဥက္ကဋ္ဌ ဦးဇုန်လှယ်ထန်းနှင့် အဖွဲ့ဝင်များအား ရန်ကုန်မြို့၊ နယူးဇီလန်နိုင်ငံသံရုံးမှ သံအမတ်ကြီး H.E STEVE MARSHALL နှင့် နယူးဇီလန်နိုင်ငံခြားရေးနှင့် ကုန်သွယ်ရေးဝန်ကြီးဌာန၊ အရှေ့တောင်အာရှဌာနခွဲမှ ညွှန်ကြားရေးမှူးချုပ် MR. STEPHEN HARRIS တို့က လာရောက်တွေ့ဆုံ

အမျိုးသားလွှတ်တော်၊ နိုင်ငံတကာဆက်ဆံရေး၊ လွှတ်တော်ချင်းချစ်ကြည်ရေးနှင့် ပူးပေါင်းဆောင်ရွက်ရေးကော်မတီဥက္ကဋ္ဌ ဦးဇုန်လှယ်ထန်းနှင့်အဖွဲ့ဝင်များအား ရန်ကုန်မြို့၊ နယူးဇီလန်နိုင်ငံသံရုံးမှ သံအမတ်ကြီး H.E Steve Marshall နှင့် နယူးဇီလန်နိုင်ငံခြားရေးနှင့် ကုန်သွယ်ရေးဝန်ကြီးဌာန၊ အရှေ့တောင်အာရှဌာနခွဲမှ ညွှန်ကြားရေးမှူးချုပ် Mr. Stephen Harris တို့က  (၁၇-၈-၂၀၁၆) ရက်နေ့ မွန်းလွဲ (၁၄:၃၀) နာရီအချိန်တွင် နေပြည်တော်ရှိ အမျိုးသားလွှတ်တော်၊ ရေးရာဆောင်အမှတ် (I-20) ဧည့်ခန်းမ၌ လာရောက်ဂါရဝပြုတွေ့ဆုံခဲ့သည်။

ယင်းသို့တွေ့ဆုံရာတွင် လွှတ်တော်၏ ဥပဒေပြုရေးလုပ်ငန်းစဉ်ကိစ္စရပ်များ၊ လွှတ်တော်ရှိ နိုင်ငံခြားရေးရာကော်မတီနှင့် နိုင်ငံခြားရေးဝန်ကြီးဌာနတို့ကြား အပြန်အလှန်ထိန်းကျောင်းရေးဆိုင်ရာကိစ္စရပ်များ၊ ရွှေ့ပြောင်းလုပ်သားဆိုင်ရာ ကိစ္စရပ်များ၊ ပင်လယ်ရေကြောင်းဆိုင်ရာ ဥပဒေနှင့် ကုန်သွယ်ရေးဆိုင်ရာ ကဏ္ဍများကို အမြင်ချင်းဖလှယ် ဆွေးနွေးခဲ့ကြပါသည်။

အဆိုပါတွေ့ဆုံပွဲသို့ ကော်မတီဥက္ကဋ္ဌနှင့်အတူ အတွင်းရေးမှူးဒေါ်ထုမေ၊ ကော်မတီအဖွဲ့ဝင်များဖြစ်ကြသော ဦးဂျေယောဝူ၊ ဦးမောင်မောင်လတ်၊ ဦးနိုင်ကိုကို၊ ဦးဇော်ဟိန်းနှင့် အမျိုးသားလွှတ်တော်ရုံးမှ တာဝန်ရှိသူများတက်ရောက်ခဲ့ကြပါသည်။